| Սելենա Գոմեսը ծնվել է 1992թ. հուլիսի 22-ին ԱՄՆ-ում Տեխաս նահանգի Գրանդ-Փրեյրի քաղաքում, Մենդի Կորնետի և Ռիկարդո Գոմեսի ընտանիքում: Սելենայի հայրը լատինոամերիկացի է, իսկ մայրը իտալո-անգլիացի: Նրան կոչել են Սելենա ի պատիվ այդ ժամանակներում հայտնի երգիչ Սելենայի: Սելենան Ամերիկյան դերասանուհի ու երգչուհի է: Գոմեսը իր դերասանական կարիերան սկսել է 10 տարեկանից խաղալով «Բարնին և ընկերները» մանկական հեռուստաշոույում,որտեղ էլ խաղացել է այժմյան հայտնի և տաղանդավոր երգչուհի-դերասանուհու՝ Դեմի Լովատոյի հետ:Մեծ ճանաչում է ձեռք բերել Դիսնեյ հեռուստաալիքի (Disney Channel) Wizards of waverly place հեռուստասերիալից, որտեղ հանդես է գալիս Ալեքս Ռուսսոյի դերում և դարձել է Էմմի մրցանակաբաշխության (Emmy award) հաղթող: Հետագայում նկարահանվում է նաև այլ ֆիլմերում: Գլխավոր դերում է հանդես գալիս Another Cinderella Story, Wizards of waverly place և Princess Protection Program հեռուստաֆիլմերում: Նա խաղացել է Ramona and Beezus թատերական ֆիլմի գլխավոր դերում, որը նրա առաջին ելույթն էր թատերական ֆիլմում: Նրա կարիերան զարգացած է նաև երաժշտության ասպարեզում: Սելենա Գոմեսը հիմնադիրն ու երգիչն է Selena Gomez and The Scene փոփ խմբի, որը թողարկել է Ձայնագրող ընկերությունների ամերիկյան ասոցիացիայի ոսկե սերտիֆիկատի արժանացած երկու ալբոմներ` "Kiss and Tell" և "A Year Without Rain": Selena Gomez and The Scene խումբը թողարկել է նաևՁայնագրող ընկերությունների ամերիկյան ասոցիացիաjի կողմից Պլատին սերտիֆիկատի արժանացած երկու սինգլներ` "Naturallu" և "Who Says" 2011թ.ին խումբը ԱՄՆ-ում վաճառել է շուրջ 1,354,000 ալբոմներ: Գոմեսը մասնակցել է "Tinker Bell", "Another Cinderella Story", "Wizards of waverly place", և "Shake it up" սաունդթրեքների ստեղծմանը: 2008թ.-ին Սելենա Գոմեսը նշանակվել է ՅՈՒՆԻՍԵՖ-ի բարի կամքի դեսպան:
| 
