Ողջի գետը Զանգեզուրի մեծությամբ երկրորդ գետն է՝ 85 կիլոմետր
երկարությամբ, որն սկիզբ է առնում Կապուտջյուղի գագաթամերձ լանջերից և
հոսում մեծ մասամբ անտառապատ խոր կիրճով։ Կաշկանդված մեծ մասամբ գրանիտյա
ժայռերի մեջ, Ողջիի ծայրաստիճան նեղ հովիտը տեղ-տեղ ներկայացնում է ահավոր
անդունդ, որի մեջ մոլեգնող գետերը իր հսկայական մեխանիկական ուժի շնորհիվ
պոկում է լեռներից վիթխարի ժայռաբեկորներ, մանրացնում դրանք և տանում
հասցնում մինչև Արաքս։ Ողջի գետը ունի մեծ անկում, որը գետի վերին
հոսանքում մեկ կիլոմետրի վրա հասնում է 60 մետրի։ Ողջի գետի վտակն է
Վաչագան գետը:
