| |
| Վիճակագրություն |
Ընդամենը ակտիվ. 1 Հյուրեր. 1 Անդամներ. 0 |
| Օրացույց |
| « Ապրիլ 2013 » |
| Երկ |
Երք |
Չոր |
Հնգ |
Ուրբ |
Շաբ |
Կիր |
| 1 | 2 | 3 | 4 | 5 | 6 | 7 | | 8 | 9 | 10 | 11 | 12 | 13 | 14 | | 15 | 16 | 17 | 18 | 19 | 20 | 21 | | 22 | 23 | 24 | 25 | 26 | 27 | 28 | | 29 | 30 | |
|
| Բլոգ |
Գլխավոր էջ » 2013 » Ապրիլ » 09 » Անչափ հուզիչ պատմություն: ♥
19:53 Անչափ հուզիչ պատմություն: ♥ |
Աղքատ տղան, տանից տուն շրջելով, ապրանք էր վաճառում, որ կարողանար հիվանդ մոր հաբերն ապահովեր և ուսման վարձը վճարեր: Եվ հերթական մի օր, երբ տղան շատ հոգնած ու քաղցած էր, գրպանում ընդամենը մի մանրադրամ գտավ: Երկար խորհելուց հետո Հարվարդը որոշեց հաջորդ տանից ուտելիք խնդրել: Ապա դողացող ձեռքերով մոտեցավ դռանը: Երբ դուռը բացեց մի երիտասարդ և գեղեցիկ կին, տղան շփոթվեց և հացի փոխարեն ջուր խնդրեց: Կինը հասկացավ, որ այս աղքատ տղան սոված կլինի և քիչ հետո վերադարձավ` ձեռքին մի մեծ բաժակ կաթ: Կաթն ըմոշխնելուց հետո նա հարցրեց, թե որքան պետք է վճարի:
-Ոչի՛նչ, -պատասխանեց կինը: -Մայրս մեզ սովորեցրել է, որ ոչինչ չվերցնենք բարության դիմաց:
-Այդ դեպքում ես շատ շնորհակալ եմ,- ասաց տղան և արդեն թարմացած ու առույգացած՝ շարունակեց իր աշխատանքը:
Տարիներ անց այդ երիտասարդ տղան դարձավ հանրահայտ բժիշկ: Հերթական մի աշխատանքային օր հիվանդանոց բերեցին մի ծանր հիվանդի: Հիվանդը տեղափոխվել էր մեկ այլ կլինիկայից, որտեղ բժիշկներին այդպես էլ չէր հաջողվել պարզել հիվանդության ախտանիշը և որևէ միջամտություն ցուցաբերել: Այս նոր հիվանդանոցում բժիշկները սկսեցին հետազոտությունը և երբ արդեն պատրաստ էին ախտորոշման արդյունքները, խորհրդակցության հրավիրեցին նաև դոկտոր Հարվարդ Քելլիին: Երբ նա լսեց այն փոքրիկ քաղաքի անունը, որտեղից բերել էին հիվանդ կնոջը, տարօրինակ զգացողություն ապրեց: Արագ վեր թռավ տեղից և քայլերն ուղղեց դեպի հիվանդասենյակ: Կնոջը ճանաչելուց հետո վերադարձավ խորհրդակցության սենյակ` մի վճռական որոշմամբ. ինչ էլ լինի, պետք է անել հնարավոր ամեն բան, պետք է փրկել կնոջը: Երկարատև և համառ պայքարից հետո կինն ապաքինվեց: Ժամանակն էր հիվանդանոցից դուրս գրվելու: Դոկտոր Հարվարդ Քելլին խնդրեց իր մոտ բերել կնոջ բուժման վերջնական հաշվարկը: Սկզբում նայեց այդ հաշվեթուղթը և հետո գումարի սյունակում ինչ-որ բան գրեց:
Երբ հաշվեթուղթն արդեն կնոջ ձեռքերում էր, նա վախենում էր անգամ նայել ` համոզված լինելով, որ իր մնացած ողջ կյանքում հազիվ թե կարողանա ամբողջ գումարը վճարել: Վերջապես ինչ-որ բան նրա ուշադրությունը գրավեց. վերջնական հաշվարկի սյունակում կարդաց մի գրություն. «Վճարված է մեկ բաժակ կաթով, ստորագրությունը` դոկտոր Հարվարդ Քելլի»:
Վայրկաններ անց թուղթն ամբողջությամբ թրջվել էր արցունքներով… «Շնորհակա՜լ եմ, Տե՛ր Աստված, որ քո սերը ցույց ես տալիս մարդկային սրտերի և գործերի միջոցով»…
|
|
Դիտումներ: 665 |
Ավելացրեց: ♥PuChUrNa♥
| - Վարկանիշ -: 5.0/1 |
| Մեկնաբանություններն ընդամենը՝: 0 | |
|
|
|
|
Մեկնաբանություններ ավելացնել կարող են միայն գրանցված անդամները [ Գրանցում | Մուտք ] |
|
|
|
|
|
